حلوة بشكلاط أو كيكopera

                                      كيك او حلوة opera        

السلام عليكم اليوم انشاء الله نقدم اليكم حلوة opera

  

  

 

opera

المقادير مع طريقة تحضير

تناخد 8 ديال البيضات بحرارة المطبخ تنطلعم مزيان بالباتور ونبدا نزيد رابعة ديال سنيدة على دفعات ونا نطرب حتى تتكون ليا واحد الكريمة ثقيلة نوعا ما نحيد الباتور ونبدا نزيد رابعة ديال الفورص مغربل على دفعات تاهوا وتنحرك بسباتيل حتى يتجانس الخليط تماما من بعد تنكون مسخنا الفران بزاف وتناخد بابيي كويسون واللاطة الكبيرة لي واصلة 60 الى مكنتش كبيرة ممكن نقسم الخليط تنسرحها على طول اللاطة ونقادها نديرها فالفران 10 دقايق بالحساب لعافية عليها ملتحت فقط ونخلي الفران مجهد نحل عليها ملي نشوفها تحمرت من جناب نهبطها لتحت ونبفا حداها حتى تحمر شوية ونحيدها رادغيا تتشد اللون ونحيدها نخليها تبرد تماما ومن بعد رش عليها سنيدة ورش فوق سطح العمل سنيدة ونقلبها تتيتحيد الورق بسهولة ومتتلصقش من بعد نقسمها على ثلاثة اجزاء متساوية ونحتفض بيهم على جنب وندوز نوجد كريمة الزبدة
بالنسبة لكريمة الزبدة تناخد 5 صفار ديال البيض تنبقا نطرب فيهم حتى تيبياض الخليط من بعد تناخد 100 غرام ديال سنيدة هي كاس لاروب تقريبا تنزيد ليها شوية ديال الما غي شوية معلقة كبيرة نديرها فوق البوطة ونخليها حتى دوب سنيدة ويبداو يبانو ليا الفقاعات نطفي ونبدا نزيدها على البيض لي طلعت ونات نطرب بدون توقف هاد العملية تنيديروها باش نعقمو البيض من بعد تنبدا نزيد رابعة ديال الزبدة ديال العبار مقطعة طريفات بحرارة المطبخ ونات نطرب من بعد تنزيد نكهة القهوة واحد المعلقة صغيرة ديال القهوة سريعة الدوبان وتنطرب حتى ينسجم كلشي وهيا الكريمة واجدة بنكهة القهوة
بالنسبة الكناش تناخد 200 غ ديال الكريم فريش نديرها حتى تغلى ونطفي عليها ونزيد ليها 200غ شكلاط كوفيرتير النوع الممتاز لي تيكون فيه كثر من 50 فالمائة كاكاو وتنخلطهم حتى تيندمجوونزيد ليهم معلقة كبيرة زبدة اي40غ وتندوز لعملية المونطاج
تناخد الطبقة الاولى ديال الجنواز تنسقيها بسيرو تندير كاس ما كاس سكر كلاصي ونكهة القهوة بالنسبة للطبقة الاولى متنسقيهاش بزاف غي شوية من بعد تنزيد ليها كريمة الزبدة نصف الكمية من بعد تندير الطبقة الثانية ديال الجنواز تنسقيها مزيان بسيرو وتندير فوق منها كناش الشكلاط لي وجدت كامل. من بعد ندير الطبقة الاخيرة ديال الجينواز نسقيها تاهيا مزيان وندير نصف الكمية المتبقية ديال كريمة الزبدة ونقاد السطح مزيان ونخشيها فالفريجو تشد راسها واحد ساعتين ولا 3 للاشارة البنات انا مونطيتها فاطار من بعد تنخرجها تنحيد الاطار وتنوجد الكلاصاج بالنسبة الكلاصاج عندكم اختيار كلاصاج روشي ولا عادي انا درت كلاصاج عادي خديت 60غ ديال الزيت اولا نص كاس موصلش تقريبا تنحاول نعطيكم العبار تقريبي بالنسبة البنات لي ممتوفرش ليهم الميزان المهم تندير الزيت ونزيد عليه 200غ شكلاط كوفيرتير فوق البوطة ويسخن شوية نحيدو فوق البوطة ندوب الشكلاط ورجع تاني وهاكا تتيدوب ليا ونخليه حتى يدفا ونخويه على الكاطو كامل وملي يشد راسو تديرو التزيين لي بغيتو مرة لولا فاش صيبتها درتها طرانش والمرة الثانية خليتها على شكل كاطو حسب اختيار ديالكم بالصحة والراحة

                                      كيك او حلوة opera        

السلام عليكم اليوم انشاء الله نقدم اليكم حلوة opera

  

  

 

opera

المقادير مع طريقة تحضير

تناخد 8 ديال البيضات بحرارة المطبخ تنطلعم مزيان بالباتور ونبدا نزيد رابعة ديال سنيدة على دفعات ونا نطرب حتى تتكون ليا واحد الكريمة ثقيلة نوعا ما نحيد الباتور ونبدا نزيد رابعة ديال الفورص مغربل على دفعات تاهوا وتنحرك بسباتيل حتى يتجانس الخليط تماما من بعد تنكون مسخنا الفران بزاف وتناخد بابيي كويسون واللاطة الكبيرة لي واصلة 60 الى مكنتش كبيرة ممكن نقسم الخليط تنسرحها على طول اللاطة ونقادها نديرها فالفران 10 دقايق بالحساب لعافية عليها ملتحت فقط ونخلي الفران مجهد نحل عليها ملي نشوفها تحمرت من جناب نهبطها لتحت ونبفا حداها حتى تحمر شوية ونحيدها رادغيا تتشد اللون ونحيدها نخليها تبرد تماما ومن بعد رش عليها سنيدة ورش فوق سطح العمل سنيدة ونقلبها تتيتحيد الورق بسهولة ومتتلصقش من بعد نقسمها على ثلاثة اجزاء متساوية ونحتفض بيهم على جنب وندوز نوجد كريمة الزبدة
بالنسبة لكريمة الزبدة تناخد 5 صفار ديال البيض تنبقا نطرب فيهم حتى تيبياض الخليط من بعد تناخد 100 غرام ديال سنيدة هي كاس لاروب تقريبا تنزيد ليها شوية ديال الما غي شوية معلقة كبيرة نديرها فوق البوطة ونخليها حتى دوب سنيدة ويبداو يبانو ليا الفقاعات نطفي ونبدا نزيدها على البيض لي طلعت ونات نطرب بدون توقف هاد العملية تنيديروها باش نعقمو البيض من بعد تنبدا نزيد رابعة ديال الزبدة ديال العبار مقطعة طريفات بحرارة المطبخ ونات نطرب من بعد تنزيد نكهة القهوة واحد المعلقة صغيرة ديال القهوة سريعة الدوبان وتنطرب حتى ينسجم كلشي وهيا الكريمة واجدة بنكهة القهوة
بالنسبة الكناش تناخد 200 غ ديال الكريم فريش نديرها حتى تغلى ونطفي عليها ونزيد ليها 200غ شكلاط كوفيرتير النوع الممتاز لي تيكون فيه كثر من 50 فالمائة كاكاو وتنخلطهم حتى تيندمجوونزيد ليهم معلقة كبيرة زبدة اي40غ وتندوز لعملية المونطاج
تناخد الطبقة الاولى ديال الجنواز تنسقيها بسيرو تندير كاس ما كاس سكر كلاصي ونكهة القهوة بالنسبة للطبقة الاولى متنسقيهاش بزاف غي شوية من بعد تنزيد ليها كريمة الزبدة نصف الكمية من بعد تندير الطبقة الثانية ديال الجنواز تنسقيها مزيان بسيرو وتندير فوق منها كناش الشكلاط لي وجدت كامل. من بعد ندير الطبقة الاخيرة ديال الجينواز نسقيها تاهيا مزيان وندير نصف الكمية المتبقية ديال كريمة الزبدة ونقاد السطح مزيان ونخشيها فالفريجو تشد راسها واحد ساعتين ولا 3 للاشارة البنات انا مونطيتها فاطار من بعد تنخرجها تنحيد الاطار وتنوجد الكلاصاج بالنسبة الكلاصاج عندكم اختيار كلاصاج روشي ولا عادي انا درت كلاصاج عادي خديت 60غ ديال الزيت اولا نص كاس موصلش تقريبا تنحاول نعطيكم العبار تقريبي بالنسبة البنات لي ممتوفرش ليهم الميزان المهم تندير الزيت ونزيد عليه 200غ شكلاط كوفيرتير فوق البوطة ويسخن شوية نحيدو فوق البوطة ندوب الشكلاط ورجع تاني وهاكا تتيدوب ليا ونخليه حتى يدفا ونخويه على الكاطو كامل وملي يشد راسو تديرو التزيين لي بغيتو مرة لولا فاش صيبتها درتها طرانش والمرة الثانية خليتها على شكل كاطو حسب اختيار ديالكم بالصحة والراحة